Amamana

Amamana, gure amonaren etxea zen. Arretaz berritu eta egokitu dugu, eguneroko errutinatik aldendu, atseden hartu eta inguruneaz gozatzeko toki atsegin bihurtzeko. Azken batean, txikitan guk bizi izan genituen une berezi haiek zuekin ere partekatu nahi ditugu. ETXEA Artibai ibaiaren ondoan kokatutako... Amamana Landa Etxeak 10 lagun hartzeko edukiera du. Bost logela bikoitz, hiru komun eta sukaldea, egongela eta tximinia dituen gune zabal eta erosoa ditu, familiarekin edo lagunekin une atseginak partekatzeko aproposa. EKIPAMENDUA Erreserba guztietan oheko arropa eta eskuoihalak sartzen dira. Horrez gain, etxeak berokuntza (garaian garaikoa), ur beroa, doako Wi-Fi konexioa, telebista, mahai-jokoak, inguruko turismo-informazioa, botikina eta garbiketarako tresnak ditu. KOKAPENA Amamana Landa Etxea Ubilla-Urberuaga auzoan dago, Markina-Xemeindik 3 kilometrora, naturaz inguratutako giro lasai batean, atseden hartu eta egun batzuk lasaitasunez igarotzeko leku ezin hobean. Etxetik bertatik mendi-ibilbide seinaleztatu ugari abiatu daitezke. Gainera, Urdaibaiko Biosfera Erreserbatik 35 kilometrora eta Euskal Kostatik 15 kilometrora dago. Bilbotik 50 kilometrora, Donostia-San Sebastiandik 62 kilometrora eta Vitoria-Gasteiztik 72 kilometrora dagoenez, Euskal Herria ezagutzeko abiapuntu bikaina da. Etxetik 100 metrora Bizkaibusen autobus geltoki bat dago, eta handik inguruko herrietara nahiz Bilbora garraio publikoan erraz joan daiteke.