Helburu komuna dugu
Sarean lan egiten dugu gure ostatuek indarreko araudia bete dezaten, jasangarriagoak izan daitezen, hobeto egokituta egon daitezen eta turistek ondo balora ditzaten. Helburu horiek elkartekide guztiei etengabe ematen dizkiegun zerbitzuen bidez lortzen ditugu.
Nekaturreko kide egin zaitezke Euskadin nekazalturismoa, landetxea edo landa apartamentua funtzionamenduan baduzu, baldin eta erantzukizunpeko adierazpena egin baduzu Eusko Jaurlaritzako Turismo Sailean.
Mesedez, irakurri arretaz. Garrantzitsua da ondo ulertzea Nekaturrera atxikitzeko prozedura, entregatu behar duzun dokumentazioa eta hari lotutako kuotak.
Prozesu erraza da. Aurrera.
Elkartekide bihurtzeko baldintzak
Gure elkarteak 3 motatako ostatuak hartzen ditu, Eusko Jaurlaritzaren araudiarekin bat etorriz:
Nekazalturismoak 
Landetxeak 
Landa Apartamentuak Nekazalturismoak
“Nekazalturismo” terminoak “nekazaritza” eta “turismoa” uztartzen ditu, eta mantenu edo mantenurik gabeko ostatu-eskaintzari egiten dio erreferentzia. Eskaintza hori baserrian edo arkitektura tradizionalari erantzuten dioten beste instalazio batzuetan egiten da, eta nekazaritza eta abeltzaintzako ustiategi batean integratuta daude; bertan, turistek nekazaritzako eta/edo abeltzaintzako berezko jarduerak esperimentatu ditzakete.
Nekazalturismoek 4 plazako edukiera izan behar dute gutxienez.
Gehieneko edukiera honako hau izango da, plaza osagarriak kontuan hartu gabe:
- Gelaka eskainitako ostatua: 12 plaza.
- Osorik lagatako dependentzietan eskainitako ostatua: 18 plaza.
- Ostatu mistoa: 16 plaza.
Gehieneko edukiera 24 plazakoa izango da, plaza osagarriak kontuan hartuta.
Era berean, banakako gelen gehieneko kopurua 4 izango da.
Dagokion araudiaren estekaLandetxeak
Landetxeak landa-ingurunean dauden etxeak dira, eta ostatu-zerbitzua eskaintzen dute, mantenuarekin edo gabe, landa-inguruneko arkitektura tipikoa duten eraikinetan.
Landetxeek 4 plazako edukiera izan behar dute gutxienez.
Gehieneko edukiera honako hau izango da, plaza osagarriak kontuan hartu gabe:
- Gelaka eskainitako ostatua: 12 plaza.
- Osorik lagatako dependentzietan eskainitako ostatua: 18 plaza.
- Ostatu mistoa: 16 plaza.
Gehieneko edukiera 24 plazakoa izango da, plaza osagarriak kontuan hartuta.
Era berean, banakako gelen gehieneko kopurua 4 izango da.
Dagokion araudiaren estekaLanda Apartamentuak
Landa apartamentuak landa-ingurunean kokatutako apartamentuak dira, eskualdeko edo zonako arkitektura tradizionalaren araberako eraikin edo eraikuntzetan kokatuak.
Landa apartamentuek bi apartamentu izan behar dituzte gutxienez, eta 24 plazako edukiera izan dezakete gehienez (ohe osagarriak barne).
Plazen edukiera logeletako ohe kopuruaren araberakoa da, literak barne, eta beste pieza batzuetan jarritako ohe bihurgarrien kopuruaren araberakoa.
Egongelan edo jangelan ohe-altzariak jar daitezke, bi plaza gehienez.
Atxikitze kuota eta kuota orokorra
Nekaturreko kide bihurtzeko, kuota eta urteko kuota orokorra ordaindu beharko dituzu.
Atxikitze-kuotari esker, elkarteak behar bezala funtzionatzeko ezinbestekoa den kalitate-estandarra mantentzen dugu.
Atxikitze-kuota behin bakarrik ordaintzen da, eta horri esker, elkarteak behar bezala funtzionatzeko ezinbestekoa den kalitate-estandarra mantentzen dugu.
Atxikitze-kuota
ATXIKITZE-KUOTA: 150€
Barne hartzen ditu: sarbidea + Nekaturren plaka + online/telefono bidezko prestakuntza Nekaturren tresnetan.
Kuota orokorra
Urteko kuota orokorra elkartearen funtsezko zerbitzu eta tresnak mantentzeko tarifa da.
Kopuru hori 130€ + ostatuaren egun bateko okupazioa batuta kalkulatzen da (duen gela kopurua hauen batez besteko prezioarekin biderkatuta kalkulatzen da) eta 12 hilabetetan zatitzen da.
Adibidea: 6 gelako ostatu baten urteko kuota, gelen batez besteko prezioa 60€ bada, honela kalkulatzen da:
6 gela x 60€ (gelaren prezioa) = 360€ (egun 1eko okupazioa) + 130 € (kopuru finkoa) = 490€ 12 hilabetetan zatituta = 40,83€ hilean.
6 gela
60€ Gela prezioa
360€
+
130€ Kopuru finkoa
=
490€ Urtean
=
40,83€ Hilean
Zure ostatua atxikitzeko eskaera-prozesua
Hauxe da Nekaturreko kide bihurtzeko prozesua:
- Segidako atalean zehaztuko den dokumentazioa entregatu behar da.
- Nekaturreko arduradun batek bisita egingo du ostatura, aurrez hitzordua jarrita.
- Zuzendaritza Batzordearen hurrengo bileran, bisitaren txostena aurkeztu eta entregatuko da, eta bertan erabakiko da atxikitzea.
Ostatu elkartekide gisa alta emateko prozesua
- Zure eskaera onartzen denean, atxikitze-kuota kobratuko da.
- Informazio guztia elkartearen euskarri guztietan sartzeari ekingo zaio: web-orria, sustapen-materiala, datu-basea, etab.
- Nekaturrek eskaintzen dituen tresna eta zerbitzu guztietarako sarbidea emango da.
Aurkeztu beharreko dokumentazioa
Jarraian, Nekaturren sartzeko entregatu behar dituzun dokumentuen zerrenda aipatuko dugu. Mesedez, irakurri arretaz eta ziurtatu beharrezko dokumentu guztiak bete eta entregatzen dituzula.
Eskaera-dokumentazioa hiru modutara aurkez dezakezu:
- Telematikoki, formularioa bete eta dokumentuak erantsita. Hau da modurik errazena. Sartu orain
- Posta elektronikoz, formularioa bete eta dokumentazioa erantsita. Bidali orain
- Aurrez aurre Donostiako gure bulegoan.
Entregatu beharreko dokumentuen zerrenda
- Nekatur formularioa.
- Erantzukizun Adierazpena edo Eusko Jaurlaritzako Turismo Sailak emandako irekiera-lizentzia.
- Erantzukizun Zibileko Aseguruaren kopia.
- Ostatuko arduradunaren nortasun-agiriaren tamainako argazkia.
Edozein zalantza baduzu, mesedez bisitatu, jarri gure bulegoarekin harremanetan edota bisitatu ohiko galderen atala.
Eguraldia