Nekatur gara
Euskadiko nekazalturismo, landetxe eta landa apartamentuen jabeen elkartea
Nekatur gara. Euskadiko nekazalturismo, landetxe eta landa apartamentuen jabeen elkartea.
Euskadiko landa ostatuen eskaintzaren %70 baino gehiago biltzen dugu. Nekaturren urte askoko ibilbidea dugu, urtez urte urratsak ematen, bai ostatu elkartekide guztiei, eta bai ostatu hartzen dutenei zerbitzu hobea eskaintzeko.
Gure Jatorria
Baserritarrak. Hori da gure jatorria.
Baserritarrak nekazaritza eta abeltzaintzako ustiategi familiar txikietan oinarritutako bizimodua ordezkatzen dute, mendeetan zehar gure ohituretako asko definitu dituztenak.
Ustiategi txiki hauek mehatxatuta ikusi zuten iraupena, ezin baitziren ekoizle handiekin lehiatu, baina bagenekien eta badakigu ezinbestekoak direla gure lurraldearen natura- eta kultura-ondarea babesteko.
Horrela, 1988an, Eusko Jaurlaritzari eta hiru Foru Aldundiei esker, programa bat sortu zen. Programa horrek baserrien jabeei ostatu-zerbitzuak eskaintzeko aukera eman zien, beren ekonomia hobetzeko eta gure ondare historikoa babesteko.
1990ean, Euskadiko lehen nekazaritza-turismoko ostatua inauguratu zen eta, 1991n, lehen landetxea.
Hain zuzen ere, urte hartan bertan, 1991n, sortu zen Nekatur, Euskadiko landa ostatuen elkartea.
Geroztik, bide luzea egin dugu.
Gure elkarteak 3 ostatu mota hartzen ditu bere baitan:
Nekazalturismoak
Landetxeak
Landa Apartamentuak
Nekazalturismoak
“Nekazalturismo” hitzak “nekazaritza” eta “turismoa” uztartzen ditu. Ostatu-eskaintza da, mantenuarekin edo gabe, baserrian edo arkitektura tradizionaleko beste instalazio batzuetan egiten dena, eta nekazaritza eta abeltzaintzako ustiategi batean integratuta dagoena. Bertan, turistek nekazaritzaren eta/edo abeltzaintzaren berezko jarduerak esperimentatu ditzakete.
Nekazalturismoek 4 plazako edukiera izan behar dute gutxienez.
Gehieneko edukiera honako hau izango da, plaza osagarriak kontuan hartu gabe:
- Gelaka eskainitako ostatua: 12 plaza.
- Osorik lagatako dependentzietan eskainitako ostatua: 18 plaza.
- Ostatu mistoa: 16 plaza.
Gehieneko edukiera 24 plazakoa izango da, plaza osagarriak kontuan hartuta.
Era berean, banakako gelen gehieneko kopurua 4 izango da.
Landetxeak
Landetxeak landa-ingurunean dauden etxeak dira, eta ostatu-zerbitzua eskaintzen dute, mantenuarekin edo gabe, landa-inguruneko arkitektura tipikoa duten eraikinetan.
Landetxeek 4 plazako edukiera izan behar dute gutxienez.
Gehienezko edukiera honako hau izango da, plaza osagarriak kontuan hartu gabe:
- Gelaka eskainitako ostatua: 12 plaza.
- Osorik lagatako dependentzietan eskainitako ostatua: 18 plaza.
- Ostatu mistoa: 16 plaza.
Gehienezko edukiera 24 plazakoa izango da, plaza osagarriak kontuan hartuta.
Era berean, banakako gelen gehieneko kopurua 4 izango da.
Landa Apartamentuak
Landa apartamentuak landa-ingurunean kokatutako apartamentuak dira, eskualdeko edo zonako arkitektura tradizionalaren araberako eraikin edo eraikuntzetan kokatuak.
Landa apartamentuek 24 plazako edukiera dute gehienez.
Plazen edukiera logeletako ohe kopuruaren araberakoa da, literak barne, eta beste pieza batzuetan jarritako ohe bihurgarrien kopuruaren araberakoa.
Egongelan edo jangelan ohe-altzariak jar daitezke, bi plaza gehienez.
Gure Betebeharra
Landa-ostatuen elkarte arduratsua gara, Euskadin turismo jasangarria bultzatzeko, gure kultura-ondarea, natura-ingurunea eta landa-bizimodua babesten ahalegin guztia egiten duen elkartea.
Hori lortzeko, etengabe hobetzen lagunduko digun estrategia izan behar dugu, ostatu bazkideen jarraitutasuna bermatzeko eta haien lehiakortasuna hobetzeko.
Estrategia horrek hainbat balio biltzen ditu. Balio horiek elkartekideen artean zabaltzen dira, eta bisitatzen gaituztenei ematen diegun zerbitzuan islatzen dira:
Konfiantza
Bikaintasuna
Lankidetza
Enpatia
Gardentasuna
Gure balioak dira eguneroko lanaren motorra, arrazoia eta zergatia, gure elkartea kopuruan eta, batez ere, erantzukizunean hazi dadin.
Landa-esperientzia osoa eskaini nahi diegu bisitatzen gaituztenei, Euskadiko paisaiak eta kultura ezagutzera gonbidatuz eta, horrela, nekazaritza-mundua eta landa-turismo jasangarria eta inklusiboa indartzen lagunduz.
Balio hauek partekatzen badituzu, Nekatur zuretzat da.
Elkartu Nekatur-en
Eguraldia