Nekaturen zerbitzuak

Sustapena

• Webgune erakargarria eta ondo kokatua dugu. “Landa-ostatua Euskadin”, “nekazalturismoa Euskadin”, “landetxea Euskadin” edo “landa apartamentua Euskadin” terminoak bilatzen badituzu, Googleko lehen postuetan agertzen gara.
• Hedabide guztiak lantzen ditugu, komunikabideak, sare sozialak eta e-mail marketina barne, eta publizitatean inbertitzen dugu etengabe.
• Urtero sustapen-materiala argitaratzen dugu, esate baterako, mapak, bideoak, etab. Material hauek joaten garen estatuko eta atzerriko azoka eta ekitaldietara eramaten dira.
• Ekitaldietan, azoketan parte hartzen dugu, eta hainbat jarduera gauzatzen ditugu, gure elkartearen eragina eta irismena maximizatzeko.

Salmentak

• Zuzenean saltzen dugu, webgunearen bidez. Bertan, zure ostatuari buruzko informazio zehatza eta erreserbatzeko aukera agertzen da.
• Telefonoz, txatez eta posta elektronikoz artatzen ditugu turistak, zure ostatua erreserbatzerakoan izan ditzaketen arazoak argitzeko. Bere hizkuntzan erantzuten diegu.
• Aplikazio bat jartzen dugu zure eskura, zure ostatua bisitariei nola eta noiz eskaini nahi diezun konfiguratu ahal izateko, jaso nahi dituzun erreserba-motak aukeratze aldera.
• Zure ostatua merkaturatu eta aberastu egiten dugu, bisitatzen gaituztenentzat erakargarriagoak diren beste jarduera batzuk eskainiz.

Aholkularitza pertsonalizatua

• Ostatu bat daukan edonork, noizbait, egoera bereziren bat bizi izaten du, hala nola, ostatua irekitzean, araudia aldatzean. Aholkularitza pertsonalizatua eskaintzen dizugu, aurre egin beharreko edozein egoera korapilatsu jorratu eta konpontzeko.
• Elkartekideek asko baloratzen dute dirulaguntzen inguruan ematen diegun informazio guztia, izan ere, eskaera-prozesuan ere bideratu eta lagundu egiten baitiegu.

Tresna teknologikoak

Zure ostatua indarreko araudiaren arabera kudeatzeko behar dituzun tresna guztiak eskura jartzen dizkizugu, honako hauek barne:

• Nekagest, ostatuaren kudeaketa osorako programa:
• Aurrekontuak sortu eta fakturatu TicketBAIrekin.
• Turismok eskatzen duen sarrera- eta irteera-fitxa sortu.
• Bezeroen datu-basea.
• Bidaiariak erregistratu eta Ertzaintzara bidali.
• Datuak Eustatera eta INEra bidali.
• Online check-in egiteko tresna.
• Bezeroari ordainketa partziala edo osoa eskatzeko tresna.
• Etab.
• Nekaescan APPa, nortasun-agiriak eskaneatu eta Ertzaintzara bidaltzeko, Turismok eskatutako sarrera eta irteera fitxak sortzeko, erreserbak kudeatzeko, eta abarretarako aplikazioa.
• Channel Manager, tresna honekin egun erabilgarriak, denboraldiak, prezioak eta gutxieneko gauak kudea daitezke toki bakar batetik, atari desberdinetan.
• Erreserba Motorra zeure web-orrirako.

Aurrezkia eta deskontuak

• Hornitzailerik onenak aukeratzeko azterketak egiten ditugu. Haiekin baldintza eta tarifa onuragarriak negoziatzen ditugu, elkarteko ostatuei zerbitzu emateko, besteak beste, argindar edo gas kontratuak eta aseguruak.
• Zure kuotarekin doako sarrera eskaintzen dizugu hainbat tresna teknologikotara, hala nola, Nekagest APPa, Kudeaketa Programa, eta zure web-orrirako Erreserba Motorra.
• Kolektibo gisa, Euskadiko hainbat baliabide turistikotarako deskontuak negoziatzen ditugu, zure bezeroei eskaini ahal izateko eta haien poza areagotzeko.

Prestakuntza

• Beste lan-arlo oso estimatu bat prestakuntzaren bidez egiten den etengabeko hobekuntza da. Ekoturismo zigiluaren eta jardunbide jasangarrien inplementazioa, edota kudeaketa-jardunbide egokien sistemak sustatzen ditugu.
• Ikasteko bisitak eta eskatutako ikastaroak antolatzen ditugu, betiere elkartekideen beharren arabera.

Zure eskubideak eta interesak defendatzen ditugu

• Solaskide gisa jarduten dugu Eusko Jaurlaritza, Foru Aldundi eta beste erakunde batzuen aurrean, eskualdeko turismo-erakundeekiko eta intereseko beste erakunde batzuekiko lankidetza sustatuz, turismo-garapeneko proiektuetan eta planetan modu kohesionatuan lan egiteko.
• Sektoreari eragiten dioten araudi-aldaketekin zerikusia duten lan-mahaietan parte hartzen dugu, eta gure jarduera errazten duten laguntzak eskatzen ditugu.