Vitoria-Gasteizko Erdi Aroko harresia

Gasteiz hiri zaharra izandakoa inguratzen zuen harresiaren hondarrak, XI. mendekoak, Antso VI.ak Gasteiz sortu baino mende bat lehenago.

Urteetan ezkutatuta egon den hiriaren lekuko garrantzitsua da. Hiru urte inguruko ikerketa eta lanen ostean, Gasteizko harresiaren zati bat ikusgai dago, Harategi kantoitik Bakardade kantoira. Arkitekturaren Arkeologia Ikertzeko EHUko Taldeak egindako aurkikuntzak gizarteratu dira, bisita egiten dutenen gozagarri.

Lorategiz hornitutako (3.000 m2) paseoan barrena, defentsarako harresi guztia bisitatu daiteke eta pasabide- sistema eta 130 metroko horma-atala ikusi. Harresitik ateratzen diren bi dorreei jarraituz gero, garai bateko luzera irudika daiteke. Harresiak 11 metro hartzen ditu punturik altuenean, eta dorreek 15 metrotik gora.

Harresia ez dago XI. mendean zegoen bezala, urteetan osagai berriak gehitu baitzaizkio.

XI. mendera eramango gaituen ibilbideak Erronda eta Salba pasealekuen perimetro osoa zeharkatzen du, Eskoriatza Eskibel jauregiari erantsitako kontrahormaren gainean jarritako behatokiraino.