Vitoria-Gasteizko Eraztun Berdea

Vitoria-Gasteizko Eraztun Berdea. Vitoria-Gasteizen deigarrien gertatzen diren gauzetako bat, berdeguneen kopuru handia da. Ez da alferrikakoa, Estatuan lorategiz hornitutako espazio-indizerik handiena baitu biztanleko (42 m² pertsonako). Arabako hiriburua, bertan 140 espezietako 150.000 zuhaitz daudenez, benetako lorategi botanikotzat hartzen da eta Florida eta Pradoa bezalako parke zabalak ditu. Pradon Martin Fiz, munduko maratoi txapelduna entrenatzen da. Vitoria-Gasteiz lau parkek osaturiko Eraztun Berde batek inguratuta dago, hiriaren birika naturala delarik. Parke horietako bat Salburua da; Euskadiko hezegunerik inportanteenetako bat da eta laster, bertan, "Ataria", Natura Ezagutzeko Zentro bat, zabalduko da.

Vitoria-Gasteizko Eraztun Berdea hiri inguruko ingurumena leheneratu eta zaharberritzeko asmo handiko plan baten ondorio da. Plan honen xede nagusia espazio honen balio ekologiko eta soziala berreskuratzea da, eta horretarako, paisaia eta ekologiaren aldetik balio handia duten hainbat enklabe uztartuz hiriaren inguruan naturak etenik izango ez duen gerriko bat sortu nahi da.

Salburua parkera bisitaldi gidatuak
Maiatza, ekaina, uztaila eta iraila: astelehenetik ostiralera, 17:00-20:00.
Larunbat, igande eta jaiegunak: 11:00-13:00 eta 17:00-20:00 (argi orduen arabera).
Urritik apirila bitartean: larunbat, igande eta jaiegunetan, 11:00-14:00 eta 16:00-18:00 (egun-argi orduen arabera).
Ibilbideak parkean barrena: astearte, larunbat, igande eta jaiegunetan: 09:00-11:00.
Tel. 606 71 85 28
Harizti hezearen barrena:

• Larunbata (uda): 08:00-10:30
• Larunbata (negua): 08:00-10:30

Nahi izanez gero, bizikleta eta prismatikoen mailegu-zerbitzua dago, doan.

Parke hauek osatzen dute:
Salburua, Zabalgana, Olarizu eta Armentia.

Nola iritsi
Oinez edota bizikletaz hurbildu zaitezke Gasteiztik bertaraino.

Datu interesgarriak
Salburuako parkea Nazioarteko Garrantzidun Hezegune izendatu zuten 2002an Ramsarreko Hitzarmenean.
Salburua eta Zadorra ibaia Batasunaren Intereseko Leku izendatu dituzte eta Natura 2000 Sarean sartzea proposatu dute.
Estatu mailan Agenda 21 eskuratu zuen lehen hiria izan zen.
Salburuak hegazti behatokia du.