Santa Maria Katedrala

Arabako hiriburuan, hiria 1181.ean sortu zen muinoaren gainean, handientsu altxatzen da Santa Maria Katedrala. Elizaren eraikuntza XIII. mendean hasi zen, defentsarako harresi baten gainean. Eraikina Vitoria-Gasteizen historiaren lekuko pribilegiatua izan da. Gaur, nazioartean sari ezberdinak jaso dituen Zaharberritze-Plan batean murgilduta dago. Bisitatzea ezinbestekoa da; katedrala obretan eta irekita dago, eta hiriko monumenturik enblematikoenetako baten bihotza eta zaharberritze-lanak ikusteko aukera paregabea eskaintzen dizu.

Bisita egin ahal izateko Bisitariak Hartzeko Zentrora joan behar da ibilbidea hasi baino hamar minutu lehenago, sarrerak eskuratzeko; Brullerías Enparantzatik (El Portalón jatetxearen aurrean) edota Frai Zacarías Martínez kaletik (Andatarren Dorretxearen alboan) sar liteke Zentrora. Aurre-erreserba eduki arren, bisitaria ibilbidearen hasera-ordurako iritsiko ez balitz, ezin liteke bermatu lekua izango duenik.
Kontsultatu bestelako bisitak: Habeartea (2009ko uztailean jarri den 400 m2 -ko zoru-guneraino iristeko aukera, gidaririk gabe), Dorrea (asteburu eta jaiegunetan soilik), "Argiaren Ataria" eta Harresia.