Lenbur Lurraldea – 50eko hamarkadan egun bat. Langileen Ibilbidea

Lenbur ez da ohiko museo tinkoa, horregatik proposatzen du Legazpiko hainbat eraikuntzan zehar eramango gaituen ibilbidea, 50eko urteetako eguneroko bizitzan murgildu edota aspaldiko burdinolen lan egiteko modua ikusteraino.

50eko hamarkadako familia-etxea
Murgildu zaitez  50eko hamarkadako familia baten bizitzan langileen etxebizitzan! Lantegi berrien sorrerarekin, milaka familia iristen dira Euskal Herrira lan eta etorkizun hobe baten bila. Bisita honetan, langile familia iritsi berri baten egunerokotasunean murgilduko zara. Telebistarik eta hozkailurik gabe, garbigailurik eta berogailurik gabe, non apopiloak edo sukalde-eskubidea duten bizilagunak fabrikako maizterrekin bizi ziren. Murgildu zaitez iraganera eramaten zaituen eta gure eskualdea hazten lagundu zutenen eguneroko bizitza erakusten dizun esperientzia honetan. Galdu ezin duzun iraganerako leihoa!

50.hamarkadako Eskola eta kapera
Murgildu 50eko hamarkadako eskolan,non zurruntasuna, diziplina eta erlijiotasuna ziren balio nagusiak, eta neskek eta mutilek ikastetxe desberdinetan ikasten zuten.

Pizarrinetatik hasi eta idazmahai eta entziklopedietaraino, xehetasun guztiak zehatz-mehatz ordenatuta daude, bisitaria denboran zeharreko bidaian eramanez. Zu izan zaitezke protagonista zuri-beltzeko film honetan: mahai bakoitza altxatzean, mila istorio deskubrituko dituzu eta garaiko jolas eta jostailu tradizionalei buruz ikasiko duzu. Murgildu zaitez esperientzia paregabe honetan eta iraganeko garaiak berpiztu!