Iruzubietako zubia

Erromatarren lantzat hartu da tradizionalki, hala ere, gaur egungo zubiaren arkitektura gehiago da parametro tekniko eta tipologiko berrien emaitza. XVI. mendekoa dela uste da, baina handitzeak egin zitzaizkion bere eskuin aldean XVII. mendearen erdi aldera, eta gerora ere berrikuntza garrantzizkoak izan ditu.

Puntu erdiko hamahiru arku erakusten ditu, haietatik sei neurri handiagokoak. Gerora egin zaizkion berrikuntzetan, zubiak albo bietara dituen harrizko karelak gehitu zaizkio.

99 metroko luzera dauka eta ia 4,50 metroko zabalera.

Zubi gainean, herrira daraman bidean, erromatarren antzinako galtzada ikusi daiteke oraindik ere.