Chabola de la Hechicera

Hondakin batzuk agerian uzten dute Arabak historiaurretik izan dituela biztanleak. Bere geografia osoan sakabanaturik, primeran kontserbatutako monumentu megalitikoak aurkituko dituzu. Nabariak dira Aizkomendiko trikuharria, Egirazen; Sorginetxe, Arrizalan, eta Cabola de la Hechicera izenekoa, Billarren. Era berean, Burdin Aroan sortu zirenetik Erdi Arora arte biztanleak izan zituzten herrixkak bisitatu ditzakezu: esaterako, Lastrako Kastroa, Karankan, eta Buradongo Kastroa, Buradon Gatzagan.

Arabako Errioxan bazaude, ezinbestekoa duzu La Hoya Herrixka bisitatzea; arkeologia-aztarnategi oparo hau Kristoren aurreko lehen milurteko asentamendua izan zen; bertan, herrixkaren aldi eta eboluzio ezberdinak agerian geratzen dira. Harresiak gordetzen zituen etxebizitzak, pezoz eta harriz egingo zituzten, eta estalkia landarezkoa izango zen. Aurkitu diren hondakinei esker baiezta daiteke bertako biztanleen ekonomia nekazaritzan eta abeltzantzan oinarritzen zela.