Arabako Errioxa – Ardoa eta kultura

Arabako Errioxari buruz hitz egitea, ardoari buruz hitz egitea da. Bere paisaien margoa, historia, biztanleen bizitza, upeltegi tradizionalak eta abangoardiazkoak, dena dago ardoarekin ezinbestean lotua. Arabako Errioxako paisaia udaberrian berde bizi kolerakoa da, eta udazkenean berriz, urre kolorekoa eta gorrixka. Bere lurrak ezin hobeak dira mahatsondoa landatzeko.

Bastidan (1) emango diogu gure ibilbideari hasiera, harresi zaharretako Larrazuria atea gordetzen duena. A-124ari jarraitu Samaniegora (2) iristeko, han derrigor bisitatu behar da Haraneko Gure Andre Mariaren eliza.

A-3214tik jarraituz Villabuena (3), Mañueta (4) eta Eltziego (5) bisitatuko ditugu. Azken horretan, Marqués de Riscal upeltegi harrigarria dago, Frank Gehryren lana. Hortik A-4208a hartu dezakegu Lapuebla de Labarcan (6) geldiunea egin eta kobazuloetan XVII. eta XVIII. mendeetako upeltegiak ikusteko.

Hemen, A-3216a hartu eta Guardiara (7) iritsiko gara, baina bisitak ordu batzuk eskatuko dizu. XIII. mendeko harresia ikustea merezi du, kaleetan barrena ibiltzea eta bere bi gotortutako elizak bisitatzea: San Juan eta Erregeen Santa Maria eliza. Azken horren tenplura sartzeko portale gotikoa paregabea da.

Bertako ardoak eta gastronomia dastatzeko tabernak, jatetxeak eta upeltegiak nonahi aurkituko ditugu. Ingurukoek ere merezi dute. Hezeguneen biotopo babestua ikus daiteke edota La Hoyako historiaurreko herrixka. A-3228tik, Bilar herria igaroz, Hechicera (8) dolmenera iritsiko gara, eta Kripanera (9), eta hemendik Lantziegora, bere dorretxe eta jauregiak miresteko.