“Villa Lucía” Ardoaren Zentro Tematikoa

Altair Abadia Catering, goi-mailako edo "gourmet" catering-zerbitzuak eskaintzen dituen enpresa da. Kongresu, harrera, bankete edo beste hainbat ekitaldi sozial hornitzen ditu.

Aipagarria da enpresa honek, bere sukaldaritzaren originaltasuna eta kalitatezko zerbitzua eta produktuak direla eta, Kongresu Antolatzaile profesionalen Espainiako Federazioaren eskutik (OPC´s Espainia), estatu mailako lehen saria jaso zuela 1997an, Kongresuen Zerbitzu Osagarriak eskaintzen dituzten Enpresen sailean. Sariaren ondorioz, sukaldaritzan erreferente bilakatu da.

Ardoaren Zentro Tematikoa

"Villa Lucía" Ardoaren Zentro Tematikoa Guardian dago. Ardoaren kultura zabaltzen duen elkargune ezin hobea da. 2.400 metro koadro ditu hainbat aretotan banatuta. Horien artean, enpresa-kongresuak, biltzarrak eta bilerak egiteko erabiltzen den aretoa nabarmentzen da.

Horrezaz gain, hantxe dagoen upeltegi-museoa aipatu behar da. Esparru horrek, ardoaren mundu zoragarrian barneratzeko aukera eskaintzen du; baita bere historia edota elaborazioa ezagutzeko ere. Nahi izanez gero, hasi berrientzat zein profesionalentzat antolatutako dastatze ikastaroetan parte hartu daiteke.