Urkiolako parke naturala

Durangotik kilometro gutxira dago Urkiola. Parke natural honek eskualde osoko paisaia ederrak eskaintzen dizkio bisitariari. Bakardadearen eta naturaren maitaleentzat leku ezin aproposagoa.

San Antonioren omenez eraikitako santutegia dago gainean. Santutegi honetako harria ezaguna da Euskal Herri osoan. Kondairak dioenez, ezkongabeek hiru buelta ematen badizkiote, andregaia edo senargaia aurkituko dute.

Urkiolako natur parkeak bere baitan Astxiki, Urrestei edota Alluitz mendi-hormak hartzen ditu. Era askotako erakargarritasunak dituzte Urkiolako gailurrek: kobak (Bolinkoba, Jentilkobea, Baltzola, Jentilen zubia...) eta eskalada eta mendi ibilaldiak praktikatzeko aukera. Anbotoko gailurretik Mariren kobazuloa ikusi daiteke.

Ugari dira parkean barrena egin daitezken ibilaldiak: IMak eta ILak bezala seinalatutakoak, helburu didaktikoa dutenak eta parkeak berak eskaintzen dituen espezifikoagoak, Toki Alai parketxean jaso daitezkeen eskuko programetan zehazten dira.

Piknik-guneak nonahi aurki daitezke. Ostatua eta euskal sukaldaritza tipikoa eskaintzen dituzten jatetxeak daude inguruko herri askotan, baita landetxe ugari ere.

Lurralde historikoak
Araba eta Bizkaia lurralde historikoen arteko mugan.

Azalera
5.955 ha
Altuera-maila
Gailurra: Anboto (1.330 m)
Baxuena: Urkuleta errekastoa (240 m)

Ibilbideak
Desberdinak daude, batzuk helburu didaktikoa erakusten dute, eta beste batzuk Ibilaldi Motz eta Luzeak bezala seinalatuta daude.

Bisitatu beharrekoak
San Antonio santutegia
Irugurutzeko behatokia: panoramika ikusgarria da.
Inguruko herriak: ezagutzeko moduko kultur, herri eta erlijio-ondarea dago guztietan.