Euskararen etxea

Euskararen Etxea Bilboko San Ignazio auzoan dago, eta erreferentzia izan nahi du euskal eragileentzat eta euskal jendartearentzat, baina kanpoko bisitarientzat ere. Horretarako, hainbat zerbitzu eta bitarteko eskaintzen ditu, tartean, Euskararen Interpretazio Zentroa (EIZ).

EIZ euskararen bizi indarra eta aniztasuna transmititu nahi ditu. Era berean, norberaren inplikazioa aldarrikatzen du, norberak euskarari gehitu egiten baitio. Finean, euskararen askotariko izaerak batu egiten gaitu.

Bertan, zentzumenetan oinarritutako bisita ludiko eta zehatza eskainiko zaie bisitariei; hau da, bisita esperientzial eta ludiko batetik abiatuta, bisitariak euskararen izaera poliedrikoan murgilduko dira.

Eduki guztiak lau hizkuntzatan daude: euskaraz, gaztelaniaz, ingelesez eta frantsesez.

Euskararen Interpretazio Zentroa bisitatzea doakoa da eta ordutegi zabala du.