Uztailaren 1ean, 2an eta 3an, Frantziako Tourraren lehen etapak ospatuko dira Euskadin. Egun horietan gure ostatuetako batean ostatu hartu behar baduzue edo Euskadi bisitatzeko asmoa baduzue, adi egon, errepide batzuetako  mugikortasunean eragina izango baitu.

Lasterketa igarotzen den tokietan eta inguruko erremuetan zirkulazioan izango diren eraginak orokorrean, gutxienez, 08:00etatik 18:00ak arte luzatuko dira, hiru egun horietan (Ertzaintzak eta Euskadiko udaltzainek zirkuituko kale eta errepideak itxiko dituzte, gutxienez proba egin behar den ordua baino 4 ordu lehenago). Hori dela eta, egun horietan joan-etorriak eta jarduerak garaiz antolatzeko eskatzen zaie herritar eta enpresei. Orokorrean, uztailaren 1ean, 2an eta 3an garraio publikoa erabiltzea gomendatzen da.

Egun horietako batean gure landa-ostatuetako batera etortzekoa bazara, kontsultatu lasterketaren ibilbidea, eta antolatu bidaia aldez aurretik, lasterketak autoan harrapatu ez zaitzan:

Uztailaren 1eko etapa: Bilbao-Bilbao

Uztailaren 2ko etapa: Gasteiz-Donostia

Uztailaren 3ko etapa: Zornotza-Baiona

Grand Départ Pays Basqueren gida

Gainera, txirrindularitzaren zale amorratua bazara, esteka honetan aurkituko duzu Frantziako Tourrari buruzko informazio guztia:

Frantziako Tourra - Grand départ Pays Basque