Urtarrilaren 18tik 22ra FITUR Nazioarteko Turismo Azoka egingo da Madrilen, eta NEKATUR Euskadiko 700m2-ko standean egongo da, 9. pabilioian (9C06 stand-a).

Nekaturrek Euskadiko landa-ostatuen eskaintza aurkeztuko du 2023rako garatu diren sustapen- eta merkaturatze-tresnen bidez, bai eta aurten egin nahi diren ekintzak ere, Nekaturreko 2.021-2.025 Plan Estrategikoan oinarrituta. Horretarako, 6 lan-arlo/ardatz identifiatuta dauzkagu, eta horietan eragingo dugu:

• 1.ARDATZA - LIDERGOA: Elkartegintza dakar berekin, erronkak onartzeko, aldaketetara egokitzeko eta modu eraginkorrean komunikatzeko gaitasuna. Gure sektorearen interesen defentsa gidatzea, baina, era berean, Euskadin dagoen landa-turismoaren eskaintza gidatzea, Nekatur marka bereizgarria izan dadin.
  
  
• 2.ARDATZA - BENEKOTASUNA: Sektoreko beste eragile garrantzitsu batzuekin kanpaina bat abian jarriz, landa-garapena dinamizatzearen garrantzia ezagutarazteko, sustapen-ekintzak batera indartuz eta optimizatuz.
  
  
• 3. ARDATZA - JASANGARRITASUNA: Nekatur-etik eredu turistiko arduratsu eta jasangarri batean parte hartu nahi dugu; gure kultura, ingurumena eta naturguneak kontserbatzea bermatuko duena eta ekoturismoa sustatuko duena. Horretarako, jardunbide egoki jasangarriak ezartzen eta sektorean energia berriztagarrien erabilera areagotzen jarraituko dugu, baita Kode Etikoa txertatzen lagundu eta sustatuko ere, sektoreari berariazko prestakuntza-eskaintza egingo diogu eta ekoturismoaren produktua garatuko dugu.
  
  
• 4. ARDATZA - BERRIKUNTZA: Aisialdiko turismoari, MICE eta Senior bezeroei zuzendutako produktuak/esperientziak sortu, eta elkartekideek gure tresna digitalen eta sustapen-tresnen erabilera optimizatuz eta sustatuz. Modu honetan, sektorearen profesionalizazioa bultzatu eta lehiakortasuna hobetuz. 
  
  
• 5. ARDATZA  - KALITATEA: Elkartekideei, prestakuntza presentzialei zein birtualei topaketak eta jardunaldiak eskaintzen jarraituko da, haien gaitasunen eta bisitariari eskaintzen dizkioten zerbitzuen etengabeko hobekuntza bermatuz, kalitatea etengabe hobetzen eta aplikatzekoak diren araudiak betetzen lagunduz.
  
  
• 6. ARDATZA - KOMUNIKAZIOA ETA MERKATURATZEA: Administrazioekin eta erakundeekin sinergiak/lankidetzak sortu eta baliatuko dira jarduerak optimizatzeko. Nekatur-en irudi korporatiboa landuko da, elkartekideen garrantzia azpimarratuz, gure irudia leunduz eta eskura dauden bitartekoen bidez ezagutaraziz: web orria, sare sozialak, posizionamendu kanpainak, prentsa eta publizitatea, etab. 

EUSKADIKO LANDA-OSTATUEN MAPA 2023

Poltsikoko mapa berri bat kaleratu da, non gure landa-ostatuen kokapena agertzen den, baita harremanetarako datuak eta QR kode bat ere, erabiltzaileak horietako bakoitzari buruzko informazio zabala zuzenean eskura dezan. 

NEKABONU/TXEKE OPARIAK

Bi gaueko egonaldietarako bonu sorta zabala eta hainbat opari txeke ditugu zure bikotekideari, gurasoei, familiari eta abarri eskaintzeko. Ezagutu gure NekaBonu eta Nekatxeke Opariak https://www.nekatur.net/oparibonua helbidean.

Ziur gaude gustuko bat aurkituko duzula! 

• Informazio gehiago nahi izanez gero, jarri gurekin harremanetan

Irudi Galeria

1/3